Frábærir tónleikar

Þetta voru frábærir tónleikar og skemmti ég og mínir vinir okkur mjög vel.  Það var sérstaklega frábært að heyra lagið "Army of Me" sem er í miklu uppáhaldi hjá mér en efnið af Volta var einnig stórbrotið eins og svo margt sem Björk gerir.

Þetta er frábært framtak og nauðsynlegt að vekja enn athygli á þeim gríðarlegu áformum sem ráðamenn þjóðarinnar hafa um arfleið okkar allra, íslensku náttúruna.  Ýmislegt í þeim upplýsingar sem þarna komu fram kom mér í opna skjöldu og fannst mér hreinlega vera komið aftan að mér.  Ég held að almenningur geri sér ekki fulla grein fyrir umfangi þessara áforma sem geta hæglega gjörbreytt stórum hluta Íslands til frambúðar. 

Takk fyrir mig.

Óður til náttúrunnar í Laugardal

Athugasemdir

[Birgitta Jónsdóttir, 28.6.2008 kl. 23:21]

hjartanega sammála þér

bæði frábærir tónleikar og málefnið "náttúran okkar" verður að fá meira vægi meðal ráðamanna - það er komið nóg af skyndilausnum... við verðum að hugsa til framtíðar.)

[HÞB (IP-tala skráð) 28.6.2008 kl. 23:25]

Þarna í brekkunni neðan við Laugarásveginn var hið fagra Ísland.

Allt var fagurt...veðrið. ...fólkið...mannlífið....og tónlistin.

Ég get ekki ímyndað mér að nokkur sem þarna var staddur kjósi samfylkinguna nokkru sinni aftur eftir afrek þeirra í vikunni sem leið. Þar var staðfest að samræðústjórnmálin eru ekkert annað en lýðskrum til að plata kjósendur til fylgis við sig.

HÞB

[Anna Guðný , 28.6.2008 kl. 23:55]

Mér skilst samt að þeir hafi gleymt áldósunum

En gott að heyra hvað þið vorum ánægð með tónleikana.